• 文物选粹
  • 光影旧梦
  • 海上之声
  • 上海闲话
  • 文化遗产
  • 海上小报
  • 新旧路名
  • 海上寻踪
  • 沪剧
  • 越剧
  • 百校百歌
  • 杨乃武与小白菜——密室相会(邵滨孙、筱爱琴)
  • 碧落黄昏——志超读信(王盘声)
  • 妓女泪——自叹(杨飞飞)
  • 罗汉钱——回忆(丁是娥)
  • 杨乃武与小白菜——探监告状(邵滨孙、石筱英)

海上寻踪

        六千年的历史,从东海一隅的小渔村到闻名于世的国际大都会,您是否想了解她身后的沧桑与辉煌?

        两百余处国家级、市级文物保护单位,六百余处上海市优秀历史建筑,百余处博物馆、纪念馆,这千余景点您是否不知从何看起?

        本栏目收录了大量极具参观价值的上海市文物保护单位、古迹及上海市优秀历史建筑的相关资料,提供三维地图直接缩放定位和分类检索定位等多种搜索方式,是您了解上海丰富历史文化的好帮手。

我囥老唱片

宋允明

       1945年抗日战争胜利辰光,我就读于圣芳济中学。搿个辰光收音机里电台林立,终日播送搿些名歌星像白虹、白光、周璇、姚莉等个唱片。无线电店有《大戏考》出售供听众点歌学唱。亚美麟记、亚洲、大美电台播送个西乐唱片,大美电台还发行歌选,辣南京路一家花边商店可索取一本金色封面小册子名叫Golden Song。内容包括十多只外国流行歌曲,供听众来信点唱学唱。我常欣赏搿些中外流行歌曲并喜欢学唱,但又觉着点唱勿便而想收集搿些唱片。迭个也是使我考虑开始我个收藏生涯个原因。当时我是学生,每月仅有少量零用钿,只能省吃俭用。1947年我到山东路四马路(现福州路)浪一家名为“歌声”个唱机行,购得一架单发条手摇留声机。其后更陆续辣四马路昼锦里大声无线电行、中西药房旁天生无线电唱机行以及中正中路(现延安中路)东新桥宝芳无线电唱机行买到一些上海百代唱片、胜利、歌林、蓓开等中外唱片,到1949年上海解放时,我已累积1500余张唱片了。

       解放后百代唱片歇业,取而代之个是中国唱片公司。西乐唱片解放后已呒没进口,为了收集唱片,只能到旧货店或寄售商行去淘。我经常光顾个有位于常熟路浪个原祥买卖商店,该店业主姓毛,待人和气,以后该店迁到南京西路华山路口以扩大经营。我经常利用半天辰光到迭家店淘唱片。伊拿提供一部唱机供我自家放一个时期个唱片,每张唱片自九角至数元勿等。我曾从中得到交关稀有个名贵唱片。另外一家辣亚尔培路(现名陕西南路)浪,原名永丰琴行,后改为寄售商行,文革时更名为向群调剂商店。该店出售或寄售二手无线电收音机、电器及各种唱片,我从该店淘到老多二手好唱片。我个亲朋好友晓得我喜欢收藏唱片,常拿屋里老唱片无偿捐赠拨我,使我唱片收藏库增色勿少。除上述二店外,解放后西藏中路浪个音乐书店能买到一眼东欧国家如罗马尼亚、东德、保加利亚、捷克等国家个西乐唱片,其中以捷克个每分钟45转之轻音乐7吋小唱片为精品,其音色较为上乘。

       1950年我高中毕业后考入圣约翰大学学医。辣同学中有相同爱好唱片个,组织了欣赏联谊会,定期开展活动,交换各自唱片。学生时代盛行交谊舞会,我辣福州路国际书店可买到苏联CCCP唱片,多为古典音乐、歌曲、交响乐,也买到复制个苏联交谊舞曲,到上世纪60年代,我已经收集到各种唱片包括中外歌曲、戏曲、音乐、京剧唱片达5000余张,其中不乏名贵绝版个稀世珍品。1966年文革中我家被抄,当时以扫“四旧”为名,红卫兵认为搿些唱片是“黄色封资修四旧”必须全部没收销毁。抄家后拿全部唱片装满整整一辆三轮卡车,扬长而去,勿知所终。我个多年收藏之梦想就此毁于一旦,我痛心勿已。

       十年浩劫结束后,改革开放春回大地,盛世收藏之热促使我“重操旧业”。从1982年起我又从零开始逐步收藏老唱片。由于动乱期内扫“四旧”已将老唱片销毁了一大批,存世个已成漏网之鱼勿易觅得,辣东台路及方浜路浪个藏宝楼,虽可寻到老唱片,但物以稀为贵,因而奇货可居。当时价格每张有数十元至数百元勿等,到90年代收藏热更进一步,价格更加上扬,到21世纪更是登峰造极。旧货店像雨后春笋,价格上扬到几千元一张,拍卖行又有竞拍。我于上世纪80年代开始收藏,据讲,辣外地特别是边远地区、小城市像华北、皖北、陕西等地可以淘到价廉物美个名贵唱片。至此我收获到了交关老唱片如百代公司唱片、新月、长城、丽歌、大中华等唱片。辣上海已属难觅到个外地均能淘到,从此我又能重新建起收藏库。如要丰富藏品,达到一流收藏水平,辣财力方面像我搿能个早年退休个工薪阶层是难以达到个。

       摘自新民晚报20130220 B4版