• 文物选粹
  • 光影旧梦
  • 海上之声
  • 上海闲话
  • 文化遗产
  • 海上小报
  • 新旧路名
  • 海上寻踪
  • 沪剧
  • 越剧
  • 百校百歌
  • 杨乃武与小白菜——密室相会(邵滨孙、筱爱琴)
  • 碧落黄昏——志超读信(王盘声)
  • 妓女泪——自叹(杨飞飞)
  • 罗汉钱——回忆(丁是娥)
  • 杨乃武与小白菜——探监告状(邵滨孙、石筱英)

海上寻踪

        六千年的历史,从东海一隅的小渔村到闻名于世的国际大都会,您是否想了解她身后的沧桑与辉煌?

        两百余处国家级、市级文物保护单位,六百余处上海市优秀历史建筑,百余处博物馆、纪念馆,这千余景点您是否不知从何看起?

        本栏目收录了大量极具参观价值的上海市文物保护单位、古迹及上海市优秀历史建筑的相关资料,提供三维地图直接缩放定位和分类检索定位等多种搜索方式,是您了解上海丰富历史文化的好帮手。

咖啡馆味道

       从小吃惯咖啡,因为家父欢喜。即使辣辣鱼肉粮油侪要凭票配给个年代,食品二店还是偶有供应散装个咖啡粉,咖啡豆就呒没卖了,因为大部分人家个手磨咖啡机老 早拨拉破四旧了。屋里搿把锡制咖啡壶倒还辣辣海,盖头浪一只玻璃球,哒哒滚个咖啡辣玻璃球里泼落泼落个跳舞,一般可以根据咖啡个颜色,判断烹煮个程度。有 趟玻璃球破了,就去淮国旧配来一只一式一样个。沸腾个咖啡继续辣辣玻璃球里跳舞。

       卖罐头装个云南咖啡,香是香个,香得勿远,还有较重个酸味,不过比呒没吃强些。有常时难免咖啡侪断档了,只好用一种叫咖啡茶个速溶制品过过瘾。搿个是包着一层薄纸,有两只麻将大小个糖块,用开水冲开,有一股咖啡渣个淡焦香。

       西餐馆、西点店里始终有咖啡供应个。不过上世纪八十年代初,旧时个繁花侪已落尽,新枝未绽,上海正经卖咖啡个店已经剩勿下几家了。大学辰光辣辣城市个顶北 端住读,旁边侪是农田。周末回转去,第二日一早必定打扮妥当,约女友辣辣屋里对面个老大昌吃咖啡。老大昌做法式点心。我搭女友皆钟爱老大昌个拿破仑、黑森 林搭仔掼奶油。两个呒没心事个女小囡吃咖啡,其实是拿咖啡过点心,拿破仑个轻盈酥香,奶油个甜蜜肥厚,阿拉觉得跟一杯清咖啡是天作之合。如果点了黑森林, 我会往咖啡里加老多个牛奶,像现在讲个拿铁。冬天个阳光从宽大个窗子外照进来,照得老大昌二楼棕色皮面子个火车座也像一只只咖啡蛋糕。

       爸爸个咖啡老友,痛恨有人拿现烹个咖啡配花哨个咸甜点心。伊门窗紧闭个客厅里,咖啡香味一丝也勿允许拨拉浪费,咖啡是味觉里唯一个主角,最多搭一片烤热个 法棍抹无盐白脱油,或者一种甜味淡若游丝个清蛋糕。慢慢懂得专注欣赏咖啡个纯粹之味,情愿多跑一眼路去南京路个东海咖啡馆。走到东海门口,招牌现煮小壶咖 啡新鲜温暖个香味拿你迎进去。木格子窗框,抽纱白桌布,黄昏时分,桌子上点起一盏台灯,咖啡杯碟是埃种浅绿色个玻璃器,有一棱一棱个花纹,像莲个果实。王 家卫在《花样年华》里,拨男女主角用个也是搿能介个咖啡杯。镜头里重见,我辣心里轻轻叫一声:噫,就是搿样啊!……出门,依旧是搿种小壶咖啡新鲜温暖个香 味拿侬送入南京路个霓虹里。

       搿个辰光若有外地来个朋友去外滩,总带伊拉去老和平饭店里个咖啡座歇脚。辣辣饭店大堂隐蔽个一角,四五张小圆台子,围辣老式个沙发,安静个像勿存在一样, 连住客侪未必晓得。咖啡老好个,十几年只搿个一种,搭朋友加一客饭店西点房新烘个白脱水果蛋糕,比市售个考究得多。我只吃一杯清咖。隔了几重门,老年爵士 乐队辣辣海演奏一支熟悉个曲子。

       摘自新民晚报20130227 B4版